起死回生

由於群眾壓力下, 我諗今次真係唔起筆都唔得.
估不到某人口中的"廢虛blog"其實都仲有人想睇架喎~
所以避免各位失望同某人的單打, 想唔令個blog起死回生都唔得啦. (講起就想delete左上一個post!)

自從由加拿大回來後這幾個月都很忙, 俗務纏身, 一事未完另一事又起.
直到最近才可抽點時間打理這個fluffy blog.
我已加插了"小芙菲的和果子店"相簿, 雖然未算完全整理好, 但希望短期內可以完成. (feedback is welcomed!^^)
另外, 我仍然upload唔到 image, 很想放多點私人相片給你們看, 但奈何小芙菲功力有限, 所以如有好心人係用blogger.com的話, 可以給我image upload條tag嗎?

最後, 順帶一提今天日記:
今朝六點鐘起身, 一心諗住練一粒鐘車之後七點半去考牌, 點知.............
去到考場先知原來係下一個星期二!!!!~
最慘係我今朝斜路無溜後, 泊到哂L位同parallel parking 架! >.<

下午做presentation, 做到好怒氣, 估唔到自己個team的同事水準真是強差人意, 可以問乜都唔識, 俾個教授窒到口啞啞... 唉, 唔識就去做多點reading同research啦, 怪唔得考試次次都要考supplementary exam啦, 同佢地一個team真係無運行.
仲要做完之後同我講句, "Flo, we'll be lucky if we can have 50%."
我心諗, "........ %$#@@!&^*#@*@!!!!... 你地想欏50%唔代表我都想欏50%呀!!"
幸好, 個教授一早講明如果一team人水準出入太大時就會用 individual assessment.
o的人真係.... 唉~